(Hadalsame) 04 Okt 2023 – Dalalka Morocco, Portugal iyo Spain ayaa wada martigelin doona Koobka Adduunka 2030-ka.
Ha yeeshee, dalalka Laatiin Ameerika ee Uruguay, Argentina iyo Paraguay ayaa martigelin doona seddexda kulan ee ugu horreeya si loogu maamuuso sannad-guuradii 100-aad ee tartanka Koobka Adduunka oo bilaabmay 1930-kii.
Dhammaan lixda dal ee aannu soo xusnay ayaa si toos ah isreebreeb la’aan ugusoo bixi doona KA2030-ka.
Waxaana ay noqon doontaa markii taariikhda ugu horreeysey ee abid Koobka Adduunka lagu ciyaaro qaarado kala duwan (3 qaarasood).
Hadalsame Media
