(Moscow) 20 Sebt 2023 – Ruushka ayaa sheegay halka uu ka helo dakhliga ugu badan marka laga soo tago khayraadyada dabiiciga ah ee gaaska iyo saliidda.
Dhoofinta Cuntada ee Ruushka ayaa si xawli ah u koraysa, iyadoo noqonaysa isha saddexaad ee dakhliga miisaaniyadeed ee ugu wayn dalkaasi kaddib saliidda iyo gaasta, sida uu sheegay madaxa ku-meel-gaarka ah ee Adeegga Kastamka Ruushka, Ruslan Davydov, oo waraysi siiyey RIA Novosti kaasoo la daabacay Talaadadii.
Sida uu sarkaalku sheegay, kobaca dhoofinta wax soo saarka beeraha marka la eego miisaan ahaan waxa uu hadda marayaa ilaa 70% marka loo eego sanad-beeraadkii hore.
“Waxaan badiyaa dhoofinnaa badarka hadda. Tani waa qayb libaax. Laakiin sidoo kale waxaa jira miraha saliidda laga miiro, sida saliidda cuntada, gabbaldayaha. Kuwani waxay u badan tahay inay yihiin waxyaabaha dhoofinta ugu wayn.” ayuu yiri Davydov.
Waxa uu xusay in dalka ugu badan ee soo degsada wax soo saarka cunnada Ruushku ay yihiin Shiinaha, waddamada Bariga Dhexe, Masar, iyo Kazakhstan. Wadamadan, ayuu sheegay, in loogu yeeri karo “suuqyada dhaqameed” ee dhoofinta cuntada Ruushka.
Wasaaradda Beeraha ee Ruushka ayaa sheegtay in waddanku uu suuqyada shisheeye geeyey ilaa 60 milyan oo tan oo badar ah oo qiimahoodu dhan yahay $41.6 bilyan oo Doollar marka loo eego fasalkii 2022-23 (Luulyo 1, 2022 ilaa Juun 30, 2023).
Hadalsame Media
