(Hadalsame) 03 Agoosto 2023 – Waxaa dunidii u gudbey warkii shalay ee ku saabsanaa orodkii yaabka lahaa ee Nasra Abuukar, waxaana sheekada oo markii hore taagnayd baraha bulshada Soomaalida ay misna usii gudubtey baraha bulshada ummadaha kale, kaddibna warbaahintooda.
Sida aad hoos ka arkaysaan waxaa xitaa sheekadan soo qaatay warbaahinta soo jireenka ah ee waawayn sida BBC, Daily Star, Daily Mail, SportBible, Euro iyo qaar kale oo ka sameeyey cinwaanno yaab leh.
Bogga The Voice of Africa ayaa ugu darnaa oo isagu sheegay inay ”Somalia soo dirtay gabar uur leh”, halka Hope For Africa uu ku tilmaamay ”orodyanaddii ugu orodka yarayd taariikhda”, waloow aan taas la hubin.
SportBible wuxuu diiradda saaray in gabadha meesha lagu geeyey qaab ”nin-tooxsi ah” oo ay qaraabo yihiin madaxda xiriirka gaar ahaan Khadiija Aadan Daahir oo la sheegay inay habaryar u tahay gabadha.
Daily Star ayaa isna ku tilmaamay inay ahayd gabar ”aan weligeed ordin”, halka Euro.es uu ku sheegay ”gabadhii ugu xumayd taariikhda”.
Halkan hoose ka eeg…..
wa
Hadalsame Media
