(Hadalsame) 15 Luulyo 2023 – Hindiya ayaa waxay dhaafi doontaa Maraykanka si ay u noqoto dhaqaalaha labaad ee ugu wayn adduunka marka la gaaro 2075, sida uu bankiga Goldman Sachs saadaaliyey, isagoo tixraacaya maalgashiga raasumaalka iyo tirakoobka.
Waddanka Hindiya hadda waa dalka shanaad ee ugu dhaqaalaha badan adduunka, waxaana ka horreeya Maraykanka, China, Japan iyo Germany oo qaabkaas hadda u kala horreeya, balse Maraykanka waxaa booska 1-aad ka qaadan kara Shiinha, sida la saadinayo.
Maqaal la daabacay usbuucii hore, dhaqaalaha bangiga maalgashiga ee Hindiya, Santanu Sengupta, ayaa saadaaliyey in GDP-ga waddanka Hindiya uu gaari doono $ 52.5 tarilyan, iyagoo xilligaa ka dambeeya Shiinaha oo kaliya oo maraya $57 tarilyan.
Marka loo eego tirada dadka sii kordhaysa, kobaca Hindiya waxaa la filayaa inuu horseedo horumarka hal-abuurka iyo tignoolajiyadda, maalgashiga sare ee raasumaalka, iyo kor u kaca wax soo saarka shaqaalaha, sida uu qabo Goldman Sachs.
“Labaatanka sano ee soo socda, saamiga ku tiirsanaanta Hindiya wuxuu noqon doonaa mid ka mid ah kuwa ugu hooseeya ee dhaqaalaha gobolka.” ayuu yiri Sengupta.
Dakhliga wwrshadaha tignoolajiyadda Hindiya ayaa la filayaa inuu kordho oo gaaro $245 bilyan dhamaadka sanadkan 2023, sida ay sheegtay shirkadda IT-ga ee maxalliga ah ee Nasscom.
Hadalsame Media
