(Hadalsame) 10 Luulyo 2023 – Jarmanku waxa uu si cad ugasoo horjeedaa in Kiev la siiyo dhabbe-howleed cad ama dammaanad qaadyo la taaban karo oo ah ku biirista isbahaysiga millateriga Galbeedka ee NATO shirwaynaha soo socda ee Lithuania, sida uu The Telegraph weriyey Sabtigii, iyada oo soo xiganaysa saraakiisha NATO.
“Berlin waxay u taagan tahay diidmada rajada ah in la bixiyo xubinnimo deg deg ah… Waxay doonaysaa geeddi socod iyo waqti la geliyo in si dhab ah loo xannibo xubinnimadaas,” ilo aan la magacaabin oo ka tirsan NATO ayaa sidaa u sheegay majaladda Ingiriiska.
Jarmanka ayaa lagu soo warramayaa inuu ka walaacsan yahay in Kiev ay islamarkiiba dabaqdo qodobka 5-aad ee heshiiska Woqooyiga Atlantic-ga, kaasoo qeexaya in weerarkii ka dhan ah xubin ka tirsan NATO “loo tixgelin doono weerar ka dhan ah dhammaantood.”
Bishii hore, hoggaamiyaha Jarmanka ee Olaf Scholz ayaa wuxuu yiri “waa inaan si miyir leh u eegno xaaladda hadda jirta.” Waxa uu ku dooday in xitaa saraakiisha Ukraine ay qirteen “in ku biirista NATO aysan su’aal ka taagneyn” ilaa iyo inta uu khilaafku ka dhex jiro iyaga iyo Ruushka, marka reer Galbeedku waa inay diiradda saaraan hababka kale OO ay ku taageerayaan Kiev.
Madaxwaynaha Maraykanka ee Joe Biden ayaa isna ka dhawaajiyey walaac la mid ah midkan waraysi uu dhowaan bixiyey, isagoo sheegay in xubinnimada Ukraine ee NATO ay la macno tahay “dagaal lala galo Ruushka”, taa beddelkeedana wuxuu ka dhawaajiyey nooc kale oo “la mid ah taageerada amni ee ay siiyaan Israel.”
Hadalsame Media
