(Muqdisho) 10 Luulyo 2023 – Intii aan garaadsaday ee aan dawladnimada iyo macnaheeda dhabta ah wax ka bowsadayba, waxa ii muuqday ilaa maanta na ii muuqata, in ay dawladda hagaagsani tahay cudud kula jirta, cudur walba oo maanta bulsho haleela waxa ka daran dawladnimo xumada. Innaga oo sidaa u og wax walba ayaynu haddana indheehanna shanta ah ku aragnaa dawladaha Soomaalidu meel walba oo ay ku suga yihiin sida ay LA’AADKA u yihiin u na arag iyo adeeg xun yihiin!
Ta iga murugaysiisa waxay tahay; in aanu soo noqon doonin jacaylkii iyo u riyaaqsanaantii ay Soomaalidu ku qaabileen dawladnimadii ay ku hammiyeen horraantii lixdaamaadkii.
Ilaa 60-kii cid ku naaxda waa la waayey dawladnimo cid ay dhuunta u gashay mooyaane, mar waxay noqotay wax ay reero qudhi ku baadhaan ku na dhacaan hantida ummadda, marna waxay noqotay wax qof keliyi u maleeyo in uu isagu leeyahay, markalana waxay noqotay wax dadka kala disha oo midba dalluun ka ka tuurta, kolkana waxay noqotay wax shakhsiyaad ku ilaashadaan dantooda sii wad uun.
Intaana waxa falay siyaasi imaan la’ iyo mid bilaa wacyi ah oo aan la dareen ahayn dadkiisa. Kolkaa ma muuqato sabab cid qudhi u rajayso dawladnimo ruuwaayad ah oo aan shacabkeeda la haysan oo hawo-la-ciyaar ah.
W; Q: Mustafe Miiggane
Hadalsame Media
