(Hadalsame) 27 Juun 2023 – Maraykanka ayaa wuxuu doonayaa dib u soo celinta khadadkii isgaarsiineed ee tooska ahaa ee Shiinaha si looga hortago shilal dhaca mustaqbalka, sida uu qabo Kurt Campbell, oo ah isku-duwaha Hindiya iyo gobollada Pacific ugu qaybsan Golaha Amniga Qaranka ee Aqalka Cad (NSC).
Isaga oo ka hadlaya saamaynta istaraatiijiyadeed iyo midka millateri ee isbahaysiga ciidan ee AUKUS ee u dhexeeya Australia, Maraykanka iyo UK mar uu joogey Xarunta Istiraatiijiyadda iyo Daraasaadka Caalamiga ah (CSIS) Isniintii, wuxuu Campbell sheegay inay muhim u tahay Shiinaha iyo Maraykanka inay qaadaan “tillaabooyin wax ku ool ah oo awood u siin kara xiriir wax ku ool ah oo lagula tacaalayo xaalad aan la qorshayn, shil dhaca ama khalkhal.
“Waan sii wadi doonaa inaan si cad u qeexno sababta [hilinnadan] ay muhiim u yihiin, gaar ahaan iyadoo ciidamadeennu ay si sii kordhaysa iskaga hor-yimaadaan beryihii dambe oo ay ka shaqeynayaan meelo isu dhow,” ayuu yiri.
Campbell wuxuu xusay in “Shiinuhu ay taariikh ahaan ka caga jiidayeen inay sameeyaan dadaalladan” laakiin wuxuu carrabka ku adkeeyey in Washington ay si kastaba ha ahaatee ay kiiska xiriirradan ka dhigi doonto inay lagama maarmaan yihiin.
Campbell waxa uu intaa ku daray in booqashadii gaarka ah ee Xoghayaha Arrimaha Dibedda ee Maraykanka Antony Blinken uu ku tegey Shiinaha usbuucii hore, halkaas oo uu kula kulmay Madaxwayne Xi Jinping, ay ahayd “tallaabo wanaagsan” oo diblomaasiyadeed.
Blinken wuxuu noqonayaa ninkii ugu horreeyey ee Wasaaradda Dibedda ka socda ee booqda Shiinaha muddo 5 sano ah.
Hadalsame Media
