(Washington, DC) 26 Juun 2023 – Wax ka qabashada dhibaatooyinka ugu waawayn ee soo wajahaya bini’aadmigu waxay noqon doonaan “wax aan macquul ahayn” haddii aanay wadashaqeyn dhex marin Mareykanka iyo Shiinaha, madaxweynaha Faransiiska Emmanuel Macron ayaa yiri.
Waraysi uu siiyey CNN Isniintan, Macron wuxuu ku nuuxnuuxsaday baahida loo qabo in la yareeyo colaadaha, si loo suurtageliyo dalalku inay ka wada shaqeeyaan caqabadaha waawayn ee jira.
“Aniga ahaan, mudnaanta ugu sarreeysa ee ajendaha caalamiga ah ayaa ah isku dayga in la xalliyo dhibaatooyinka jira, la dagaallanka sinnaan la’aanta iyo faqriga, iyo hagaajinta isbeddelka cimilada iyo kala duwanaanta noolaha … Waxaan ku dari lahaa dhismahan arrimaha ku saabsan AI,” ayuu ku dooday. .
Kuwani waa “caqabadaha ugu muhiimsan ee tobannaanka sano ee soo socda, laakiin gaar ahaan tobankan sano,” ayuu Madaxwaynaha Faransiisku ku daray.
“Si aan u gaarno ajendahan, waxaan u baahan nahay iskaashi, gaar ahaan, waxaan u baahan nahay iskaashi dhex mara Shiinaha iyo Maraykanka. Haddii uusan jirin wax heshiis ah oo u dhaxeeya Shiinaha iyo Maraykanka oo ku saabsan dhammaan mowduucyadan, suurtagal maaha in la dhiso ajende caalami ah iyo in la hagaajiyo arrimahan.” ayuu Macron ku soo gabagabeeyey.
Kaddib bilowgii dagaalka Ukraine waxaa sidoo kale kala fogaadey Shiinaha oo Ruushka la saftay iyo Galbeedka oo doonayey inuu kala qaybqaato cunaqatabaynta iyo go’doominta ay ku hayaan.
Maalin dhowayd MW Maraykanka ayaa si cad dhiggiisa Shiinaha ugu tilmaamay mid kali-taliye ah.
Hadalsame Media
