(Moscow) 26 Juun 2023 – Labo diyaaradood oo kuwa dagaalka ah oo ay leedahay Britain iyo diyaarad ah nooca basaaska ee RC-135 ayaa galabta kusoo dhowaaday xadka Ruushka meel ka baxsan Badda Madow, balse markii ay kusoo bexeen laba ka mid ah diyaaradaha Su-27 ayay dib u gurteen, sida ay sheegtay Wasaaradda Gaashaandhigga Ruushka.
Difaaca hawada Ruushka ayaa “diiwaangeliyey saddex bartilmaameed” oo kusoo dhowaaday hawada dalkaasi waxayna usoo direen labo diyaaradood oo kuwa dagaalka ah kuwaas oo heegan u ahaa in la aqoonsado loogana hortago haddii ay sameeyaan xadgudub kasta oo dhuleed, ayay Wasaaraddu ku sheegtay hadal ay soo saartay.
“Ciidamada Cirka Ruushku waxay u aqoonsadeen bartilmaameedyadu inay yihiin diyaaradda basaaska ah ee RC-135, ee dagaalka elektiroonigga ah iyo laba diyaaradood oo ah RAF Typhoon,” sida ay wasaaraddu sheegtay.
“Markii diyaaradaha Ruushku ay soo dhowaadeen, diyaaradaha millateriga ajnabiga ihi waxay sameeyeen leexasho waxayna ka laabteen xadka.” ayay yiraahdeen.
Labada diyaaradood ee Ruushku waxay si nabad ah ugu soo laabteen saldhigga, iyadoo la diidey in lagusoo xadgudbo xadka Ruushka. Duulimaadka kahortagga ah ayaa waxaa loo fuliyey “si adag oo waafaqsan xeerarka caalamiga ah,” iyadoo la dul marayo biyaha caalamiga ah oo aan hab khatar ah loo wajihin diyaaradaha shisheeye, ayay wasaaraddu xustay.
Monday’s incident is the most serious confrontation between the Russian military and a NATO surveillance flight over the Black Sea since March, when an American MQ-9 drone went down southwest of Sevastopol.
Dhacdadii galabta ayaa ah iska horimaadkii ugu cuslaa ee dhex mara millateriga Ruushka iyo duullimaadyada ilaalada NATO ee dul mara Badda Madow tan iyo bishii Maarso, markii diyaarad nooca daroonka ah ee MQ-9 oo Mareykan ah ay ku dhacday koonfur-galbeed ee Sevastopol.
Maraykanka ayaa sheegay in mid ka mid ah miigagga Ruushka ee Su-27 uu dabada ka gooyay diyaaradda taasoo uu ku sababay inay ku burburto biyaha caalamiga ah. Moscow, si kastaba ha ahaatee, waxay sheegtay in labada diyaaradood midkoodna aysan waxyeello soo gaarin.
Hadalseme Media
