(Hadalsame) 22 Juun 2023 – Ruushka ayaa diyaar u ah haddii NATO ay sii waddo dagaalka ka socda Ukraine, sida uu sheegay Wasiirka Arrimaha Dibedda ee Ruushka Sergey Lavrov. Dhowr maalmood kahor, Xoghayaha Guud ee NATO Jens Stoltenberg ayaa diidey tallaabo kasta oo lagu “dejinayo” xaaladda, inkastoo ay sii kordhayaan khasaaraha Ukraine.
Waraysi uu la yeeshay Welt am Sonntag ee Jarmanka oo la daabacay Axaddii, Stoltenberg wuxuu ku dhawaaqay “nabada macnaheedu maaha in la qaboojiyo colaadda oo la aqbalo heshiis uu amray Ruushku.”
Stoltenberg waxa uu intaa ku daray in “Ukrayn oo kaliya ay qeexi karto shuruudaha la aqbali karo,” taasoo muujinaysa inuu si cad taageerayo nidarka Kiev ee ah in ciidamada Ruushka dib loogu celiyo xudduudihii dagaalka kahor oo ay ku jirto Crimea.
“Haddii NATO, marka la eego afka Stoltenberg, ay mar kale ku dhawaaqdo inay ka soo horjeedaan qaboojinta xiisadda, sida ay yiraahdaan, khilaafka Ukraine, markaa waxay rabaan inay dagaallamaan,” Lavrov ayaa sidaa ka sheegay shir jaraa’id.
“Hagaag, ha la dagaallamaan, diyaar ayaan u nahay tan, waxaan muddo dheer fahannay hadafyada NATO ee xaaladda Ukraine, taasoo la sameeynayey sanado badan.”
Saraakiisha Moscow ayaa in badan ku eedeeyey Maraykanka iyo xulafadiisa NATO inay hubeeyaan Ukraine ay dalkaas ugu adeegsadaan inay colaad dadban ama dagaal wakaaladeed la galaan Ruushka.
Hadalsame Media
