(Washington) 14 Maajo 2023 – Madaxwaynaha Maraykanka ee Joe Biden waa in uu ka gudbaa imtixaanka dhanka garaadka ah ama uu ka tanaasulo tartanka madaxtinnimo ee 2024, 61 xubnood oo ka tirsan xisbiga Jamhuuriga ee Aqalka Wakiillada ayaa ku dalbaday warqad furan oo loo diray Abaanduulka Guud.
“Amniga qaranka Maraykanku wuxuu ku tiirsan yahay Taliye Guud oo garaad ahaan wanaagsan, wayna caddahay inaadan ku habboonayn shuruudaas,” ayaa warqadda lagu yiri, iyadoo la tixraacayo walaaca shacabka Maraykanka – 57% codbixiyayaashu uma malaynayaan in Biden uu “Maskax ahaan taam u yahay” inuu hoggaamiyo dalka, sida lagu sheegay ra’yi ururin dhowaan la sameeyey.
Biden laf ahaantiisa ayaa diidanaa inuu wax ka qabto tabashooyinkaas saddexda sano ee ugu horreeyey ee xilkiisa.
Waxaa xubnaha hoggaaminaya xildhibaan Texas Ronny Jackson, dhaqtarkii hore oo Aqalka Cad, saxiixayaasha warqada ayaa ku boorriyey Biden inuu “u gudbiyo qiimaynta baarista dhanka garaadka ah oo caafimaad ahaan la ansaxiyey natiijadaasna uu ka dhigo mid ay heli karaan dadwaynuhu” ama ka fariisto oo “u oggolaado hogaamiye maskaxiyan ku habboon inuu soo baxo. ”
Tijaabada jireed oo uu maray 2021-kii iyo horraantii sanadkan, ayuu dhakhtarka Aqalka Cad ee Kevin O’Connor ku xusay in Biden uu yahay “mid caafimaad qaba, isagoo 80 jir ahna uu ku habboon yahay inuu si guul leh u guto waajibaadka Madaxtooyada.
“Ha xisaabin,” ayay ku doodeen, “maadaama aanay kuwani ku jirin qiimaynta garaadka”, waxaa kale oo ay sheegeen inaan natiijada shacabka lala wadaagin.
Hadalsame Media
