(London) 25 Abriil 2023 – Opta ayaa kombiyuutar casri ah oo ku shaqeeya nidaamka ”Caqliga Macmalka ah ee AI” u adeegsadey saadaalinta kulamada dhacaya bartamaha todobaadkan ee Premier League waana xaq in la sheego inay ku jiraan waxyaabo yaab leh.
Saddexda maalmood ee soo socota, dhammaan 20-ka kooxood ee England ee heerka sare ah ayaa ciyaari doona, iyadoo qaarba ay dhinac u ordayaan min mid koob doonaya, mid boos riixanaya iyo mid Heerka Labaad ka cararaya intaba.
Kulanka ugu xiisaha badan bartamaha todobaadkan ayaa ah, shaki la’aan, kulanka adag ee u dhexeeya Manchester City iyo Arsenal oo lagu faltamayo habeenka Arbacada berri ah.
Gunners ayaa haatan 5 dhibcood ku haysa hoggaanka horyaalka Premier League laakiin waa tiiyoo kooxda Pep Guardiol ay baaqi u yihiin laba kulan oo aan weli la ciyaain.
Sida laga soo xigtey kombiyuutarka Opta, Manchester City ayaa boqolkiiba 62.6 fursad u haysata inay garaacdo Gunners, halka Gunners la siiyay 15.1 boqolkiiba oo qura dhanka fursadda ay ku guulaysan karaan iyagoo jooga Etihad.
Waxa kasii daran inay soo jeedinayso haddii City ay garaacdo Arsenal, ay haysato fursad ah boqolkiiba 91 oo ah inay sii xajisato ama difaacato horyaalka Premier League.
Dhanka kale, kooxda Mikel Arteta ayaa la siiyey 56 boqolkiiba fursad ay ay ku qaadi karto horyaalka, xitaa hadii ay habeen dambe ku guulaysato inay garaacdo City, taasoo ka hooseeysa boqolleeyda guuleed ee City.
KULAMADA BARTAMAHA TODOBAADKA EE PREMIER LEAGUE
TALAADO:
Wolves vs Crystal Palace
Aston Villa vs Fulham
Leeds vs Leicester
ARBACADA:
Nottingham Forest vs Brighton
Chelsea vs Brentford
West Ham vs Liverpool
Man City vs Arsenal
KHAMIISTA:
Everton vs Newcastle
Southampton vs Bournemouth
Tottenham vs Man United
Halkan kasii aqri saadaasha uu ka bixiyey dhamaan kulamada kale.
Hadalsame Media
