(Hadalsame) 23 Abriil 2023 – Dalka Jarmanka ayaa la sheegay in loo baahan yahay xannibaado dheeri ah oo ku aaddan isticmaalka gaaska ah haddii kale uu wajihi doono gaas yaraan daran haddii jiilaalka soo socda uu qabow noqdo, sida uu Ururka Kaydinta Gaaska ee qaranku (INES) kaga digayo saadaal la daabacay Arbacadii.
Heerka isticmaalka hadda jira iyo shuruudaha buuxinta kaydinta gaaska sharciga ah kuma filna haddii uu yimaado jiilaal qabow, sida ay saadaashu tiri. Waqtigan xaadirka ah, kaydinta gaaska Jarmanka waxaa kaliya looga baahan yahay in la buuxiyo 40% dhamaadka Janaayo 2024-ka, sida ay hay’addani xustay.
Xeerarka jira ayaa u oggolaanaya dalka Jarmanka inay ka gudbaan jiilaalka soo socda kaliya “haddii heerkulku yara diirran yahay,” warbixinta INES ayaa tiri, iyadoo raacisay “haddii heerkulku dhexdhexaad ilaa qabow noqdo, xarumaha kaydinta gaasku waxay noqon doonaan kuwo gebi ahaanba faaruqi doona.”
Xaaladda ugu xuni waxay noqon kartaa in si buuxda loo faarujiyo kaydka Janaayo 2024 inta lagu gudo jiro heerkulka qabowga ah ee jiilaalka,” ayay tiri saadaashu, iyada oo intaa ku dartay in aysan u badnayn in Berlin ay awoodi doonto inay magdhowdo mugga gaaska maqan taasoo keenaysa inay la kulmi doonto gaas yaraan daran inta ka hartay jiilaalka.
Hadalsame Media
