(Hadalsame) 16 Abriil 2023 – Saaxiibka ay u wada dheelaan AC Milan ee Rafael Leao iyo xitaa kooxaha kale ee Talyaanigu qaarkood ayaa waxay hiillo u muujiyeen Theo Hernandez kaddib markii lagula kacay tacaddi xun iyo aflagaaddo dhanka internet-ka ah oo uga yimid taageerayaasha SSC Napoli.
Laacibka heerka caalami ee dalka Faransiiska ayaa soo dhigay sawirka isaga oo la ciyaaraya canuggiisa, waana muuqaal caadi u ah qoys kasta.
Si kastaba ha ahaatee, qaar ka mid ah taageerayaasha Napoli ayaa usoo qoray faallooyinkii ugu xumaa iyadoo lagu fahmey adeegsiga lahjadda Neapolitan-ka, iyagoo leh ‘adiga iyo wiilkaaguba dhinta’ iyo kuwa kale oo soo qoray inuu ‘ku dambeeyo si la mid ah Gianluca Vialli,’ oo dhowaan u dhintay cudurka kansarka.
Infelizmente as redes sociais são um instrumento onde toda gente pensa que pode dizer o que quiser .. triste são essas pessoas que aproveitam o facto disso para tentar mexer com o nosso psicológico . No passa nada irmão Deus é com a tua família sempre 🙏🏾@TheoHernandez ❤️🖤
— Rafael Leão (@RafaeLeao7) April 16, 2023
Theo Hernandez saaxiibkiisa Milan Rafael Leao ayaa ka falceliyay weerarka qabsaday saaxiibkii, isagoo soo qoray:
“Nasiibdarro shabakadaha bulshadu waa agab uu qof kastaa u malaynayo inuu sheegi karo wax kasta oo uu jecel yahay. Ha werwerin, walaal, Ilaahay baa mar walba qoyskaaga la jira.”
Faallooyinka ayaa ka yaabiyey adduunka kubbadda cagta Talyaaniga, kooxda Seria C ee Pescara ayaa u deg degtay inay laacibka garab istaagto.
”Sidee baad dhimasho ula jeclaan kartaa qof iyo wiilkiisa? Taageeradeenna waxaan siinnay Theo Hernandez, oo ah ciyaaryahan kale oo lala beegsaday faallooyin ceeb ah oo aan shaqo ku lahayn ciyaaraha.” ayay yiraahdeen.
Warkan ayaa imanaya xilli ay Milan iyo Napoli ay bishan ciyaareen 2 jeer, iyadoo kooxda dambe looga kala badiyey 4-0 oo Serie A iyo 1-0 oo ah lugta hore ee Champions League, waxaana lugta dambe lagu ballansan yahay Diego Maradona, waxaana tegi doona ugu yaraan 2,500 oo taageerayaal AC Milan ah.
Come si può augurare la morte ad una persona e al proprio figlio? La nostra solidarietà a @TheoHernandez, l’ennesimo atleta oggetto di commenti irriguardosi che non hanno nulla a che fare con lo sport.
— Pescara Calcio (@PescaraCalcio) April 16, 2023
Hadalsame Media
