(Beijing) 09 Abriil 2023 – Galbeedka Yurub waa inay cayrsadaan “madaxbannaani istaraatiiji ah” oo ay ka fogaadaan in lagu soo jiido iska hor imaad iyaga oo ka wakiil ah Maraykanka, ayuu Emmanuel Macron u sheegay Politico Axaddii maanta.
Madaxwaynaha Faransiiska ayaa se horay sidan oo kale u sheegay, laakiin si kastaba ha ahaatee waxa uu markii dambe raacay hoggaanka Washington ee Ukraine.
Waraysi uu bixiyey isagoo ku safraya gudaha Shiinaha toddobaadkan, Macron wuxuu u sheegay mareegaha wararka in “Yurub ay wajahayso khatar aad u wayn” haddii ay “ku dhacaan dhibaatooyin aanay ayagu lahayn.”
“Waa yaab leh inaan aaminsan nahay inaan nahay kuwa iska raacsan Maraykanka uun,” ayuu yiri Macron oo u warramayey warqaadka.
“Su’aasha reer Yurub ay u baahan yihiin inay ka jawaabaan… ma danteena ayaa ku jirta inaan dardargelino [xasaradda] Taiwan? Maya. Waxa ugu daran ayaa ah in aan ku fikirno in annaga reer Yurub ay tahay in aan noqono kuwa raacsan mowqifkan oo aan ka shidaal qaadanno ajendaha Maraykanka iyo fal-celinta Shiinaha.
Macron wuxuu la kulmay Madaxwaynaha Shiinaha ee Xi Jinping kahor waraysiga, isagoo ku soo gabagabeeyey in haddii “Yurubtu aysan xallin karin xiisadda Ukraine, sidee ayaan si kalsooni leh ugu dhihi karnaa Taiwan: ‘iska jir, haddii aad samayso wax khalad ah waan idinka jiri doonnaa’?” ayuu is waydiiyey isagoo ula jeeda inay Ukraine wax uga qaban waayeen duullaankii Ruushka.
Hadalsame Media
