(Hadalsame) 06 Agoosto 2022 – Dadaal uu Maraykanku hormuud ka yahay ee lagu go’doominayo Ruushka oo cunaqabatayn horay loo saaray ayaan guulaysan, iyadoo kala bar dalalka ku jira kooxda labaatanka ah ee dhaqaalaha adduunka ugu horreeya ay diideen inay saxiixaan sida uu Maraykanku doonayo, sida ay ogaatey Bloomberg.
Sida laga soo xigtay daabacaadda warqaadkan, saraakiisha sare ee hoggaaminaya wadamada reer Galbeedka ayaa la yaabay taageero la’aanta ka dhex jirta G20, inkastoo ay isku dayeen inay sameeyaan kiis lagu xoojinayo xayiraado dheeraad ah oo caalami ah oo ka dhan ah Ruushka, marka laga yimaado kuwa ay horay u saareen.
Dalalka Argentina, Brazil, China, India, Indonesia, Mexico, Saudi Arabia, South Africa, iyo Turkey ayaan ku biirin cunaqabataynta ay soo rogeen Maraykanka, UK, EU iyo xulafadooda Australia, Canada, Japan, iyo South Korea.
Wadammada qaar, sida Shiinaha iyo Koonfur Afrika, ayaa iyagu si cadba u dhaleeceeyey xayiraadaha.
Wadamada G20 ayaa ku dhowaad 85% ka ah wax soo saarka guud ee dhaqaalaha adduunka oo idil.
Hadalsame Media
