(Hadalsame) 01 Feb 2022 – Madaxweynaha Maraykanka, Joe Biden, ayaa sheegay Isniintii in uu qorsheynayo in uu Qadar u asteeyo dal xulafo wayn oo aan NATO ahayn, isagoo hoosta ka xarriiqay doorka muhiimka ah ee Maraykanku u yimid in uu arko gobolka khaliijka iyada oo Washington ay raadinayso kaalmo ku aaddan wax ka qabashada caqabadaha Afgaanistaan iyo hoos u dhac ku yimaada gaasta Yurub, haddii Ruushku soo galo Ukraine.
“Tallaabooyinka looga dhigay Qadar inay noqoto xulafo wayn oo aan Nato ahayn waxay muujinaysaa wada shaqayn dhow iyo aqoonsiga sii qoto dheeraanaya ee ka dhexeeya Dooxa iyo Washington,” ayuu yiri Kristian Coates Ulrichsen, oo ka tirsan Rice University’s Baker Institute for Public Policy, oo la hadlay Middle East Eye.
Hoggaamiyaha Qadar, Sheikh Tamim bin Hamad al-Thani, ayaa isna jooga Washington DC kaddib markii sumcadda dalkiisa sare u kacday, kaddib doorkii muhiimka ahaa ee ay ka qaadatay daadgureynta muwaadiniinta Maraykanka, xulafada iyo kumanaan Afgaanistaan ah intii lagu guda jiray ka bixitaanka Maraykanka ee Afgaanistaan sanadki hore.
Waxa ay tan iyo markaas noqotay wakiilka diblumaasiyadeed ee Mareykanka ee dalka ay maamusho Daalibaan.
Hadda boqortooyada yar ee Khaliijka oo ka kooban saddex milyan, oo ah mid ka mid ah kuwa ugu sarreeya adduunka ee soo saara gaasta dabiiciga ah (LNG), waxay isu aragtaa inay door kale ka ciyaarto masraxyada caalamiga ah.
Dowladaha ka taliya dalalka Khaliijka ayaa inta badan fuliya danaha Galbeedka taasoo mararka qaar si toos ah halis ugu noqota dunida Muslimka, iyadoo uu MBS oo sugaya dhaxalka Sucuudigu uu si cad u sheegay in kooxaha haatan isku qarxinaya dalal badan oo Muslim ah ay iyagu arrintaa u direen iyagoo wakiil ka ah Galbeedka.
Hadalsame Media
