(Hadalsame) 01 Feb 2022 – Ciidamada badda ee ugu awooda badan aduunka 2030 waxaa lagu qiimayn doonaa laba meelood oo kala ah cududda uu dal leeyahay ee dhanka maraakiibta dayuuradaha xambaara iyo gujisyada quusa ee sida gantaalaha baalistigga ah.
Awoodda badda ee usii siqaysa dhanka bariga ayaa sii socon doonta ilaa 2030-ka, xilli ay miisaaniyada difaaca ee Yurub ay hoos u dhac samaynayso, halka dhaqaalaha Aasiya uu korayo.
In kasta oo inta badan ciidamada badda ee ugu awoodda badnaa dagaalkii qaboobaa ay ku urursanayeen Yurub, 2030-ka Shiinaha iyo Hindiya labaduba waxay soo geli doonaan liiska. Japan iyo Kuuriya Koonfureed waa in sidoo kale lagu xusaa lahaanshaha ciidamo badeed casri ah.
Sida laga soo xigtay falanqeeyayaasha millateriga, waxaa jira laba nooc oo maraakiib ah oo gacan ka geysan doona qaabeynta ciidamada badda ee ugu awoodda badan: kuwa qaada diyaaradaha iyo maraakiibta gantaalaha ballistic-ga.
Gujisyada gantaalaha ballistic-ga ayaa ka tarjumaya kobaca iyo kala duwanaanshaha awoodda nukliyeer ee uu waddan leeyahay. Labadan nooc ee maraakiibta ah ayaana qaabayn doona awooda badeed ee dunida horaanta ilaa bartamaha qarniga 21aad.
Sidoo kale cududaha haatan jira sida Maraykanka, Ruushka iyo dalal kale sida Turkiga ayaa sii ahaan kara cudud badeed qaro leh 2030-ka, waloow ay awooddu bari u wareegayso.
Hadalsame Media
