(Hadalsame) 31 Jan 2022 – Dadka haysta dhalashada British-ka ee u baahan in ay baasaboor u sameeyaan carruurtooda ku sugan Somalia ayaan hadda kaddib u baahan doonin inay tagaan dalalka deriska ah iyo ka shishe.
Safaaradda Britain ee Muqdisho oo sidoo kale Qunsuliyad ku leh gobollada qaarkood ayaa xitaa dadka waawayn usoo saaraysa baasaboorka ama u cusboonaysiinaysa haddii lacalla laga xado ama uu ka waxyeelloobo baasaboorku.
Waxay sidoo kale Safaaraddu soo saaraysaa dokumenti KMG oo deg deg oo uu qofku ugu safri karo dalka UK oo idil iyo Woqooyiga Ireland.
Somalia ayaa haatan ka mid ah dalalka adeeggaasi oo aan horay uga jiri jirin laga heli karo, sida ka muuqata qoraalkan cusub.
Hadalsame Media
