(Abuu Dabeey) 30 Jan 2022 – Ra’iisul Wasaaraha XFS Mudane Maxamed Xuseen Rooble iyo wefdi uu hoggaaminayo ayaa gaaray magaalada Abu Dhabi ee caasimadda dalka Isutagga Imaaraadka Carabta.
RW Rooble ayaa halkaas waxa uu kulamo kula yeelan doona madaxda ugu sarreeysa dalka Imaaraadka Carabta
Booqashada Ra’iisul Wasaaraha ee dalka Imaaraadka ayaa ujeedkeedu yahay “xoojinta xiriirka u dhexeeya labada dal ee walaalaha ah iyo sidii loo sii horumarin lahaa”, sida lagu yiri qoraal kasoo baxay Xafiiska RW.
Yeelkeede, RW Rooble ayaa loo qaabiley si ka maqaam hooseeysa madax kale oo aynigiisa ah oo Imaaraadka tagtay.
Tusaale, RW Rooble wax calan ah laguma soo dhowaynin sida RW Itoobiya ee Abiy Ahmed, iyadoo ay kala duwan yihiiin labada meelood ee lagu kala qaabiley, waloow ay dhici karto in markale loo qaabilo si maamuus leh.
Xeerarka diblomaasiyadda ee Vienna Convention ayaa aragtiyo kala duwan ka qaba qaabka loosoo dhowaynayo wufuudda imanaysa oo hadba ku xiran xajmiga wefdiga, xogta laga hayo, heerka wakaaladda uu xambarsan yahay, nooca xiriir ee labada dal min mid diirran ilaa mid dansan iwm.
https://m.facebook.com/story.php?story_fbid=285012387061248&id=100066574663282
Hadalsame Media
