(Hadalsame) 30 Jan 2022 – Safaaradda Ruushka ee Dublin ayaa xaqiijisay in Moscow ay go’aansatay in ay dhaqaajiso dhoollatuska badda, oo la qorsheeyay toddobaadka soo socda, kaddib codsi ka yimid dowladda Ireland.
War qoraal ah oo uu soo saaray fiidnimadii Sabtiga, Danjire Yury Filatov waxa uu ku sheegay in leyliga la qorsheeyay uu hadda ka dhici doono meel ka baxsan Aagga Dhaqaalaha Gaarka ah ee Ireland (EEZ).
Horaantii Sabtigii, Wasiir Simon Coveney, oo xogsiin kooban wada siiyey labada wasaaradood ee Arrimaha Dibedda iyo Gaashaandhigga Ireland, ayaa shaaca ka qaaday inuu shakhsi ahaan u waydiisan lahaa dhiggiisa Ruushka Sergey Shoigu inuu dib u eego goobta dhoollatusku ka dhacayo.
”Fiidkan waxa aan helay warqad caddaynaysa in dhoollatuska Ruushka loo rari doono meel ka baxsan EEZ-ka Ireland. Waan soo dhawaynayaa jawaabtan.” ayuu Coveney kusoo qoray Twitter-ka.
This week I wrote to my counterpart, the Minister of Defence of Russia, to request a reconsideration of naval exercises off the Irish coast. This evening I received a letter confirming the Russian exercises will be relocated outside of Ireland’s EEZ. I welcome this response.
— Simon Coveney (@simoncoveney) January 29, 2022
Filatov ayaa waxa uu ku tilmaamay dhaqaajinta leyligani yahay “arrin tilmaamaysa niyad-wanaag” iyada oo ay ujeedadu tahay in aan la carqaladeynin howlaha kalluumeysiga ee maraakiibta Irish-ka ee goobaha ka wada kalluumeysig.
Hadalsame Media
