(Hadalsame) 30 Dis 2021 – Kiisas badan oo la xiriira dumar lagu takooray goobaha shaqada ayaa loo diri doonaa maxkamadda, sida uu Lars Arrhenius maanta ku qoray joornaalka DN Debatt, isaga oo doonaya in uu kor u qaado arrinta si loo abuuro wacyigelin ballaaran oo ku aaddan goobaha shaqada.
”Sababta ayaa ah in sanad walba naloo soo gudbiyo ashtakooyin badan oo la xiriira xagga jinsiga ama haween la takoorayo, sida dadka ku jira fasaxa waalidka,” ayuu yiri Lars.
Sannadkii hore, Hay’ada Kahortaga Takoorka, waxa ay heshay wadar dhan 500 oo kiis oo takoor ah oo ku salaysan jinsiga iyo dadka danyarta ah oo la xiriira fasaxa waalidka, kuwaas oo 72 ka mid ah ay si toos ah ula xiriiraan haween uur leh.
Hadalsame Media
