(Hadalsame) 16 Dis 2021 – In yar uun kaddib markii 28kii Febraayo 1986-kii la khaarajiyey RW hore ee Sweden, Olof Palme, nin ayaa warqad uu booliiska u diray ku sheegtay inuu ahaa ninkii dilka gaystey, wuxuu xitaa warqadda ku diray 2 fuuq ama qolof rasaaseed oo ku wershad ah tii loo adeegsadey khaarajinta.
Warqaadka Svenska Dagbladet oo arrintan dib u eegis ku sameeyey ayaa haatan qoraya in booliisku aanay marna soo helin ninkaasi. Dacwad ooge Krister Petersson ayaa xogtan cusub lala wadaagey balse wuxuu ku gaabsaday inuusan faahfaahin haatan bixinaynin.
Yeelkeede, wargayska Svenska Dagbladet ayaa qoray inay xiriir la sameeyeen ninka fuuqyada rasaasta ah booliiska u diray, horayna u sheegtay inuu isagu dilka gaystey, kaasoo laakiin haatan wargayska u sheegay in aanu khaarajin Olof Palme.
Hadalsame Media
