(Hadalsame) 14 Dis 2021 – Waalidiinta haysta ilmaha baahiyaha gaarka ah qaba ayaa xaq u leh inay lacag ka dalbadaan Hay’adda Caymiska Bulshada ee Försäkringskassan, haddii lacalla ay doonayaan inay dhimaan saacadaha ay shaqeeyaan ama ay ka baxdo lacag dheeraad ah.
Markii 2019-kii ay dowladdu keentay nidaamka cusub ee loo yaqaan omvårdnadsbidraget, qiyaastii 65,000 oo carruur ah ayaa xaq u yeeshay gunnada lagu bixiyo ilmaha baahiyaha gaarka ah qaba.
Ujeedadu waxay ahayd in waalidkii 2019-kii kahor qaadan jirey lacagaha loo yaqaan vårdbidraget oo loo rogey omvårdnadsbidraget aan kiisaskooda waxba laga bedelin, ha yeeshee, dabagalka ISF ayaa muujinaya in markii ay gunnooyinkan dalbadeen 33% loo ogolaaday lacago ka yar tii hore, halka 21% looba diidey, sida ka muuqata 148 kiis oo ay dabagashay hay’adda ISF.
Hadalsame Media
