(Hadalsame) 13 Dis 2021 – Wargayska The Standard ayaa soo qaatay sheeko kooban oo uu ka sameeyey daroonka Turkiga ee Bayraktar TB2 oo uu sheegay in la siiyey Somalia.
Yeelkeede, wargaysku wax xog ah oo waafaqsan cinwaanka uu sameeyey oo u dhigan sidii inay rasmi tahay inay ”Somalia daroon heshay” uma qorin sheekada inteeda kale.
Wuxuu taa biddaalkeeda soo qaatay araada ay dadka Soomaaliyeed isku dhaafsanayaan baraha bulshada gaar ahaan Twitter, isagoo soo qaatay kuwa sheegaya in Somalia ay ugu dambayn yeelatay ”cudud cireed” oo ay nidaamka kusoo celin karto.
Arrintan ayay dad badani ku fasirayaan afjigid ay Kenya uga qayladhaaminayso in aan Somalia xitaa mustaqbalka la hubaynin iskaba daa haatan oo aysan jirin wax rasmi ah oo weli gacanta ugu jira iyo siyaasad micne leh oo ay isku raacsan tahay.
Hadalsame Media
