(Washington, DC) 26 Abriil 2021 – Cadaadiska Dowladda Maraykanku ku hayso Ra’iisal Wasaaraha Itoobiya Abiy AXmed iyo Madaxwaynaha Eritrea ayaa sii kordhaya.
War qoraal ah oo ka soo baxay Xafiiska Xoghayaha Arrimaha Dibadda Maraykanka ayaa lagu sheegay in Antony J Blinken Xoghayaha Arrimaha Dibadda Maraykanku uu la hadlay RW Abiy Axmed uuna u sheegay in Dowladda Maraykanku ka wal walsan tahay xaaladda bini’aadaminimo iyo tan xuququl insaanka ee sii xumaanaysa kana jirta gobolka Tigreega.
Waxaa kale oo uu xoghayuhu kala hadlay Abiy xaaladda amaanka guud ahaan dalka Itoobiya ee faraha ka sii baxaysa, isaga oo ku aamaanay labada dawladood ee Eritrea iyo Itoobiya balanqaadkooda ah in ay sida ugu dhaqsiyaha badan ciidamadooda ugu saarayaan Gobolka Tigray.
Xogahayha arrimaha dibadda ayaa soo dhaweeyay guddiga wadajirka ee xuquuqda aadanaha ee Itoobiya iyo kan hay’adda Q. Midoobay ee xuquuqul insaanka baaritaanka ay ku samaynayaan kuwii mas’uulka ka ahaa dhibaatadii ka dhacday gobolka Tigreega, si cadaalada loo horkeeno.
Antony J Blinken ayaa intaas ku daray in maalmaha soo socda uu gobolka geeska Afrika Soo gaari doono ergayga gaarka ah ee dawladda Maraykanku u xilsaartay halkaas Amb. Jeffery, kaas oo dhwaan mar uu hadlay eedayn u jeediyay sadex ka mid ah hogaamiyayaasha wadamada geeska Afrika, isaga oo sheegay in ay si xun u wiiqeen horumarkii gobolka geeska Afrika.
Waxaa Diyaariyey: Xasan Cadde
Hadalsame Media
