(Hadalsame) 15 Maarso 2021 – Dadka maanta Maxkamaddaha Soomaaliya dacwadda ka gudbiyeen, waxaa ka mida Matt Bryden oo ahaa Agaasimihii haayadda Sahan Research ee dalka laga mamnuucay.
Mar horena wuxuu kamid ahaa qolyaha guddiga dabagalka cunaqabaynta Soomaaliya. Ninkan odeyga ah wuxuu kamid ahaa qawlaysatadii ku macaashay burburkii dalka hooyo ku yimid, muddo dheer ayuu Nairobi ku faakihaystay hanti dalka loogu talagalay iyo lunsi mashruucyo lagu musuqay Kenya, sida ay warbixinno madaxbannaan sheegayaa.
Waxaan daawaday muuqaalo badan iyo warbixinno saxaafadda reer galbeedku dalka ka samaysay, oo wixii xun oo dhan isaga oo qudha ka warramayo.
Waxaan markii ugu horreysay magaciisa googleeyey, kadib mar aan daawaday dood ay Aljazeera/English qabatay maalmihii dhawayd ee muranka doorashooyinka lagu jiray, wuxuu si ula kac ah weerar ugu yahay milgaha iyo madaxbannaanida dalka iyo dowladnimada Soomaaliyeed.
Waxaan rajaynayaa in lagu qaado dacwadda, laguna fuliyo wuxuu mudanyahay isaga iyo cid kasta oo khatar ku ah, amniga iyo ammaanada Soomaalida.
Waxaa Qoray: Khaliif Faarax Xayir
Hadalsame Media
