(Hadalsame) 21 Maarso 2021 – Madaxweyne Denni yuu ka dhaadhicinayaa Farmaajo ayaa ciidan igu soo weeraray oo i dilaya? Yaa se aaminaya Farmaajo ayaa ciidamada Soomaaliyeed ku amraya weerar xarumo madax ka buuxdo, si ay u dilaan madaxweynaha Puntland, ee uu dhawrka bilood ka baryayo in uu shirka yimaado?
Haddii se uu Muqdisho naftiisa uga baqayo, ama lagu dilayo ama lagu sumaynayo sidii uu sheegayay, muxuu u diiday in Garoowe loogu yimaado? Laba boqol oo Baasuuke ayuu la tagay Muqdisho iyo boqollaal askari, haddana wuxuu ku leeyahay waa la i dilayaa, ciidankana wuxuu u kaxaystay in uu sawir khaldan oo ah, amaan maaha iyo middan uu maanta sheegayo uga bixiyo magaalada iyo hab maamulka Madaxweynaha.
Dadka Soomaaliyeed cawaan wax kasta la marsiin karo ma aha, waana fahmayaan oo waa ogyihiin in Farmaajo aanu ku dilayn, waana fashil sawirka aad bixinayso ee ah, Madaxweynuhu waa Diktaytar xoog wax ku maamulaya, ilaa haddana waxaan arkaynaa nin kaa dimuqraadiyaysan, la mucaaradi karo, haddana markasta ku leh war kaalay wadahadallada iyo adiga oo marba shuruud keenaya.
Waddanka diktaytar ayaa haysta, intaasoo ciidan iyo hub ahna waan la tagay magaaladii uu xoogga ku haystay, caqliga qaadanaya miyuu waalan yahay?
Mudane Madaxweyne shirka tag, miiska fadhiiso, waxa aad qabtana miiska ka sheeg, dalkana hore usocodkiisa ka qayb qaado, dadkana ha jahawareerin.
Waxaa Qoray: Khaliif Faarax Xayir
FG: Qoraal kasta wuxuu ka tarjumayaa aragtida qoraha ku saxiixan
Hadalsame Media
