(Washington, DC) 15 Sebt 2020 – Waxaa maanta oo Talaado ah lagu wadaa in Aqalka Cad lagu saxiixo wax lagu sheegay ”heshiis taariikhi ah” oo dhexsanaya Imaaraadka iyo Israel, kaasoo ay sidoo kale Wasiir Dibeedkeeda usoo dirsanayso Baxrayn oo Jimcihii heshiis ku dhawaaqday, balse la fahamsan yahay in iyana lagu cadaadiyey in ay qaab qoor qabad ah kula heshiiso Israel.
Yeelkeede, dalalka Galbeedka gaar ahaan Midowga Yurub ayaa hoos u dhigay maqaamka heshiiskan, waxaana munaasabaddaasi dalka qura ee EU ku jira ee tegayaa uu yahay Wasiir Dibadeedka Hungry ee Peter Szijjarto, sida ay qoreeyso Reuters.
Trump, oo ah ninka heshiiskan riixaya isagoo doonaya inuu codad uga helo kooxaha xag-jirka ah ee Israel sida indha la’aanta ah u raacsan iyo qolyaha Muxaafidiinta Cusub oo ah saldhig siyaasadeed oo xoog leh.
Dalalka waawayn ee Midowga Yurub ayaa waloow ay heshiiskan soo dhoweeyeen misna ka wada gaabsaday inay wefdi heer sare ah u dirsadaan.
Hadalsame Media
