(Istanbul) 11 Juun 2020 – Duullimaadyada caalamiga ah ayaa dib uga bilaabmay garoomada Turkiga maanta oo Khamiis ah kaddib 2-bilood oo ay u xirnaayeen cudurka COVID-19 dartii.
Wasiirka Gaadiidka, Adil Karaismailoğlu, ayaa todobaadkii tegey sheegay inay duullimaadyadu dib u bilaabmayaan Juun 10, iyaga oo tegaya dalal ay ka mid yihiin Woqooyiga Qubrus (TRNC), Greece, Bahrain, Bulgaria iyo Qatar.
Karaismailoğlu ayaa sheegay in ay si tartiib tartiib ah u soo celinayaan duullimaadyada caalamiga ee in ka badan 40 dal marka la gaaro Juun 10, iyaga oo heshiis la gaarey ilaa 15 dal oo ay duullimaadyada is dhaafsanayaan.
Wuxuu sheegay inay wada xaajood kula jiraan 92 dal oo fududeeyey tillaabooyinka xakamaynta Covid-19.
Hadalsame Media
