(Hadalsame) 28 Abriil 2020 – Maamulka Abuu Dabeey ugu qaybsan arrimaha Dhijitaalka ah (ADA) ayaa dadka haysta iPhone iyo iPad u sheegay inay iska diraan Mail App ku jira aaladohooda.
“Digniin. Iska jir app-ka Mail. Iska tir oo adeegso apps kale inta halistan amaan ee dhanka xogta ah meesha laga saarayo.” ayay soo dhigeen Twitter-ka.
Waxaa la sheegay in app-kani uu burcadda internet-ka u sahlo inay u dhacaan farriimaha kusoo dhaca Mail-ka, marka ay soo diraan farriimo beleeysan, waxaana xitaa ka digtey Hay’adda Sharciyaynta Isgaarsiinta Imaaraadka (TRA) oo muuqaal soo bandhigtay.
Afhayeen u hadlay Apple oo u warramay Gulf News, ayaa yiri: “Apple waxay daacad u qaadanaysaa halisyadan amaan waana baarnay anagoo ka duulayna xogta nala siiyey, balse arrintani halis wayn ma xambaarsana.”
Wuxuu qoray inay jiraan 3 arrimood oo dib u eegis lagu samayn doono oo Mail-ka khuseeya, balse aanu awood u lahayn in la jabsado xogta aaladda.
Weli lama oga inay halistani ku egtahay Imaaraadka iyo in kale.
ظهرت ثغرة في تطبيق البريد Mail لأجهزة آيفون وآيباد
اتبعوا الخطوات التالية لتفاديها:#هيئة_تنظيم_الاتصالات #aeCERT#mail #ios pic.twitter.com/moIW3ijZ74— هيئة تنظيم الاتصالات (@TheUAETRA) April 26, 2020
Warning❗️
Be careful of the new announced high risk vulnerabilities in Mail application used in iPhone and iPad which poses a risk on information’s sensitivity.#StaySafe pic.twitter.com/OK3ps0zXNA— abudhabidigital (@AbuDhabiDigital) April 25, 2020
Hadalsame Media
