(Nairobi) 14 Nof 2019 – Madaxweyneyaasha Soomaaliya iyo Kenya ayaa wada hadallo ay Nairobi ku yeesheen goor dhow ku gaaray heshiis diblumaasiyadeed oo lagu soo celinayo cilaaqaadkii labada dowladood.
Waxyaabaha lagu heshiiyey waxaa ka mid ah:
1. In xiriirka labada dal lagu celiyo sidii caadiga ahayd.
2. Xoojinta xiriirka ganacsiga ee labada dal.
3. Duullimaadka tooska ah ee Muqdisho in dib loogu soo celiyo toddobaad gudahiis.
4. Saraakiisha Dowladda iyo Shaqaalaha Rayidka ah in ay dal ku galka ay ka qaataan Garoomada Nairobi.
Madaxweynaha Jamhuuriyadda Federaalka Soomaaliya ayaa xaqiijiyey in wada hadalladaan aysan saameyn ku yeelan doonin kiiska horyaalla maxkamadda ICJ ee dacwadda hadda.
Yeelkeede, war kasoo baxay Madaxtooyada Kenya (State House) ayaa sheegay war midkaa ka duwan, kaasoo ah in sida ay yiraahdeen ”uu Madaxwaynaha Somalia ogolaaday in kiiska badda lagu dhamayn doono si ay wada aqbali karaan labada dhinac (Kenya-Somalia).
Hadalkan ayaa ka geddisan waxa ay shacabka u sheegtay Villa Somalia. Halkan ka akhriso heshiis qarsoodi ah oo la sheegay inay gelayaan labada dhinac.
Hadalsame Media
