(Nairobi) 14 Nof 2019 – Somalia ayaa markii ugu horreeysey taariikhda waxay qarka u saaran tahay in lasoo saaro shidaalkeeda oo sanado badan ahaa dhibaato istaraatijiyadeed oo dalka haysata.
Yeelkeede, waxaa jira dalal awal is qarin jirey balse howlohooda u fulin jirey qaab doqoni ma garato ah oo aan xitaa fahmi karin madaxdii Somalia soo hoggaamisey ama si ay dano gaar ah u gaaraan aysan dan ka lahaan jirin, waana dalal Carbeed oo ay ugu horreeyaan kuwa Khaliijku, waxaana iminka bannaanka is keenay Imaaraadka Carabta oo aan kaliya ka naxsanayn shidaal soo saarista, balse sidoo kale ka cabsanaya in Somalia oo ku taalla meel ka istaraatijisan ay dekedihiisa fellisto.
Waxaan qarsoodi ahayn inuu adeegsanayo siyaasiyiin badan oo kala duwan, kuwaasoo uu qaarkood doonayo in ay xitaa la wareegaan xilka ugu sarreeya dalka, si ay tiisa u meel mariyaan.
Waxaa haddaba arrinta ay wadaan dalkan iyo guud ahaanba Khaliijka markale ka hadlay siyaasiga Faarax Macallin oo bartiisa Twitter-ka kusoo qoray sidatan:
”Hoggaamiyeyaasha Afrikaanka waxaa la siiyaa laaluush rakhiish ah si ay dalkooda khilaafyo uga huriyaan, halka Galbeedka iyo Shiinuhu ay dhiig miiranayaan macaadinta dalka.”
”Tan ugu yaabka badani dhanka Soomaalida waa siyaasiyiin calooshood u shaqaystayaal ah oo ay dalalka Khaliijku lacag ku siinayaan si aan loosoo saarin Saliidda iyo Gaaska Somalia si uu dalku uga faa’iidaysto.”
African leaders are paid cheap to keep their countries in perpetual conflicts while Westerners/Chinese exploit precious minerals. The irony of the Somali case is that mercenary Politicians are paid by Gulf Arabs to stop Somali Oil & Gas from being exploited to benefit Country.
— Farah Maalim EGH (@FarahMaalimM) 8 november 2019
Hadalsame Media
