(Washington, DC) 08 Luulyo 2019 – Madaxwaynaha Maraykanka Donald Trump ayaa furka ku xooray Danjiraha Britain u fadhiya Washington DC oo lasoo dusiyay isagoo aflagaaddaynaya isaga.
Trump ayaa markiisa weerar ku qaaday guud ahaanba maamulka haatan ka jira Britain, gaar ahaan RW Theresa May oo uu ku dhaliilay qaabka ay u maaraysay Brexit.
”Ma aqaanno Danjiraha, balse waxaan ogahay inaan halkan Maraykanka laga jeclayn ama aan laga fikirin. Mana la macaamili doonno hadda kaddib.” ayuu yiri Trump oo farriin soo dhigay Twitter-ka.
Trump ayaa dhanka kale sheegay inuu ku faraxsan yahay in ay Britain goor dhow yeelanayso RW cusub, isla markaana uu aad ula dhacay Boqoradda dalkaasi oo qura markii uu bishii hore halkaa ku tegey booqasho rasmi ah. RW La sugayo ee Britain waa Boris Johnson oo u dabci isla Trump laftiisa.
Sir Kim Darroch ayaa Trump ku tilmaamay mid “bilaa xirfad ah,” “damiin ah,” isla markaana “sirgaxan.” Yeelkeede, waxay dhibaatadu ka taagan tahay arrintan oo abuurtay weji gabax iyo yax yax diblomaasiyadeed.
I have been very critical about the way the U.K. and Prime Minister Theresa May handled Brexit. What a mess she and her representatives have created. I told her how it should be done, but she decided to go another way. I do not know the Ambassador, but he is not liked or well….
— Donald J. Trump (@realDonaldTrump) July 8, 2019
Hadalsame Media
