(Muqdisho) 01 Luulyo 2019 – Diyaaradda Qatar Airways ayaa duulimaadkeedii ugu horreeyay oo rasmi ah goor dhowayd ku timid caasimadda Somalia ee Muqdisho.
Waxaa gudaha Garoonka Caalamiga ah ee Aadan Cadde lagu qabtay munaasabad kooban oo lagu maamuusayo bilowga khadkan cusub, taasoo weli halkaa ka soconaysa.
Qatar Airways oo ka mid ah sharikaadka aadka u kobcayay sanadihii dambe, ayaa duulimaad ku tagta 87 bar-dhamaad oo dunida ah, iyadoo sanadihii 5-ta ahaa ee ugu dambeeyay kaalimaha 1-aad ama 2-aad ka geleeysey dhanka bandhigga iyo wax qabadka marka loo eego sharikaadka dhigankeeda ah, gaar ahaan kuwa ugu weyn caalamka ee duulimaadyada sameeya.
Tillaabadan ayaa loo arkaa mid ka tarjumaysa inay Somalia si tartiib tariib ah ugu soo laabanayso maabka caalamka oo ay muddo ka masaxnayd, waxaana Muqdisho haatanba ka dega dayuuradaha caalamiga ah ee Turkish Airlines, Ethiopian Airlines iyo Kenya Airways.
Waxaa kale oo socda qorshe lagusoo noolaynayo raxantii duullimaadyada Somali Airlines, oo waloow ay aad u koobnaayeen marka heerka caalami ah loo eego misna ahaa qayb muhim u ah qabka qaran ee dalka.
Hadalsame Media
