”Haddii aynaan sidan ku wada joogi karin Itoobiya halla jarjaro!” – Arag fal-celinta shacabka kaddib afgembigii dhicisoobey

0

(Addis Abeba) 27 Juun 2019 – Kaddib afgembigii Gobolka Amxaarada oo ujeedooyinka laga lahaa ay aad u fara badnaan karaan, balse aan si saaxi ah loo ogayn tillaabadii xigi lahayd haddii uu lacalla guulaysan lahaa, waxaa haatan walaacsan oo xaalad siyaasadeed oo xasaasi ah gashay Itoobiya oo awalba xaalad kala guur ah oo adag ku jirtey.

Waxaa haddaba dib u bilowday doodaha ku saabsan doodaha ku saabsan aayaha Itoobiya iyo sida la iskugu hayn karo dalkaa oo ka kooban qoowmiyado kala duwan oo aan is aamisanayn, dadka qaar ayaa soo jeedinaya in loo baahan yahay in la baabi’iyo federaal isireedka dalkaasi, balse haddii sidaa la yeelo xitaa xalka kale wuxuu noqonayaa in lakala tago, maadaama ay aad u adag tahay in qoomwiyadaha federaal la iskugu daro ama lasoo celiyo dowlad dhexe oo dambe.

Xaqiiqada la hubaana waxay tahay in Itoobiya aysan kusii socon karin federaalka isiraysan, isla markaana aysan haynin jid kale oo ay uga baxdo, waana cashar hor yaalla Somalia oo ay u xawishey lagana sameeyay federaal qabiilaysan ama qabyaaladaysan maadaama ay Soomaalidu hal qoowmiyad tahay.

Maadaama ay afgembiga isku dayeen Amxaarada oo aalaaba diiddan federaalaynta Itoobiya, dad badan oo weli xusuusta tacaddiga Amxaarada ayaa u fahmey in ay doonayaan inay Federaalka burburiyaan, iyagoo ka bilaabaya gobolkooda. Haddaba arag fal-celinta dadwaynaha qaarkood:


Hadalsame Media