(Guriceel) 26 Juun 2019 – Kulan ay Guriceel ku yeesheen odayaasha dhaqanka beesha Cayr ayaa waxaa laga soo saaray baaq ka kooban 4 qodob oo khuseeynaya aayaha Galmudug. Waxaa ka mid ah:
1 – In Beeshaasi ay magaalada Dhuusamareeb oo ah xarunta Galmudug kusoo dhowaynayso dhamaanba beelaha kale oo dega gobolkaasi.
2 – In dowlad dhisidda laga hormariyo dib u heshiisiin loo qabto beelaha ku wada dhaqan gobolka.
3 – In go’aamada masiiriga ah ee gobolka laga tala geliyo dhamaanba odayaasha dhaqanka ee beelaha ku wada nool gobolka Galmudug.
4 – In dadka ku howlan dhisidda iyo doorashada Galmudug ay ka fogaadaan waxyaabaha bulshada kala fogayn kara ee aan u adeegayn danta guud.
Waxaa qodobbadaasi saxiixay odayaasha dhaqanka Dhuusamareeb iyo Guriceel oo uu hoggaaminayo Ugaas Xasan Ugaas Maxamed Ugaas Nuur waxaana wehlinayay nabadoonno kale.
Hadalsame Media
