(Torino) 28 Dis 2018 – MASSIMILIANO ALLEGRI ayaa u muuqda mid maamulka Manchester United tusaya inuu diyaar u yahay inuu kooxdaasi qabto, iyadoo la sheegay in macallin Juventus uu durba bilaabay inuu barto afka Ingiriisiga, waloow uu hardan kala kulmayo Mauricio Pochettino iyo Diego Simeone.
SunSport ayaa fahamsan in macallinka Tottenham oo 46 jir ihi uu aad ugu cad cad yahay xilkan, balse maamulka United ayaa in kastoo ay kooxda si KMG ah ugu dhiibeen Ole Gunnar Solskjaer, waxay misna eegayaan dookhyada ay heli karaan marka uu fasalkani dhamaado.
Sida uu qabo The Times, Allegri ayaa ku faani kara natiijada camaaliada Talyaaniga ee Juve oo uu u qaaday 4 horyaal oo xiriir ah iyo laba final oo Champions League fasalladii 2015 iyo 2017.
Hadalsame Media
