(Manchester) 18 Dis 2018 – Kooxda Manchester United ayaa ku dhawaaqday inay xilkii ka cayrisay macallinkeedii reer Portuguese ee Jose Mourinho. Waxaa kooxda iminka sii wadi doona macallin KMG ah ilaa dhamaadka sanad-ciyaareedkan.
Jose Mourinho ayaa sida muuqata sababsaday dhowr waxyaabood oo ay ugu dambaysay guuldarradii qaraarayd ee todobaad dhamaadkii oo ay 3-1 dirtay Liverpool, sidoo kale qolka lebiska oo farihiisa ka baxay iyo ciyaar xumo.
Halkan ka daawo warbixin uu Maxamed Xaaji hadda ka hor ka diyaariyay….
Laba fasal-ciyaareed oo uu Old Trafford joogey, Mourinho wuxuu hantay Europa League iyo League Cup (2016-17) isagoo fasalkii tegey kaalinta labaad ka galay Premier League isla markaana gaarey FA Cup final, balse waxaa mudadaa kooxda ku baxday £364.3m oo uu 8 laacib ku keenay.
Waxaa durba sharraxan Zinedine Zidane, kaasoo la heli karo kaddib markii uu si lama filaan ah iskaga casiley xilkii Real Madrid kaddib guushii Champions League ee ay Liverpool ka qaadeen bishii Maajo, waxaana mudaba lala xiriirinayay xilka United.
Hadalsame Media
