(Muqdisho) 13 Nof 2018 – Ururka Al Shabaab ayaa guud ahaan dalka ka wada weerarro ka dhan ah shacabka, gaar ahaan magaalada Muqdisho, waxaana weerarradaas oo aan ujeed iyo ka jeed toona lahayn maalin kasta ku waxyeellooba dad rayid ah oo ku dhinta, si xun ugu dhaawacma ama ku waaya eheladooda.
Haddaba, waxaannu qaybtan idiinkugu haynaa hooyo 28 Jir ah oo lugaheedii ku waysay, weerarkii ugu dambeeyay ee Hotel Saxafi.
• WAXAY WAYSAY LABADEEDA LUGOOD
Waa hooyo Sacdiya Saleebaan oo labadeeda lugood kuweysay qaraxii dhowaan ka dhacay Hotel Saxafi.
Waxey markaas waday cunto yar oo ay ugu talo gashay cashada habeenkaas ee reerkeeda.
• UUR AYAY LAHAYD
Hooyo Sacdiya inta uusan qaraxa dhicin waxa ay laheed uur 9 bilood ah. Isbuuc kadib wey dhali rabtay sida uu seygeeda ii sheegay, laakiin ugu dambeyn cunugii wuu dhintay, waana lagu qalay. Alla xanuun badanaa!!
• AFAR FAROOD AYEY WEYSAY
Intaas kaliya maku koobno. Hooyo Sacdiya waxey qaraxyadii Muqdisho kuweysay 4 kamid ah faraheeda gacanta bidix. Waxaa kaloo dhaawac kasoo gaaray dhanka feeraha iyo dhabarka dambe.
• WAJIGEEDA ARAG MAAMADA
Gabi ahaan waxaa isbadalay oo gubtay wajiga hooyadan Soomaaliyeed. Waxaana xitaa macquul ah in wajigu uu qalliin u baahdo.
Intaan wareysiga waday, runtii ilmada ka qubaneeysay iyo qaabka ay hadana isku sabarsiineeysay
Labo lugood, afar farood, wajigeeda oo gubtay, cunugeeda sagaalka bilood oo ka dhintay, dhaawacyo kale oo soo gaaray. Bal qiyaas xanuunkan
• 5 CARRUUR AH IYO AABAHOOD
Hooyo Sacdiya oo dulman ayaa heysata shan caruur iyo aabahood oo aan wax shaqo ah heyn.
Iyada ayaa magaalada u geli jirtay oo nolol maalmeedka u soo dhicin jiray, maadama qoysku iska tabar daran yihiin.
• CODSI QIIRO LEH
“Walaalayaal aniga waad ii jeedaan saan ahay. Caruurteeydana cid uma maqna ceel uma qodna”
“Dhibaatada isoo gaartay aniga ayaa dareemi kara. Cunugii aan 9 bilood caloosha kusiday hada ma heysto”
“Lugihii aan ku shaqeysan lahaana iguma yaalaan. Waxaan idinka codsanaa in wixii aad igu caawin kartaan igu caawisaan”
“Teleefonkeeygau waa 0618713053 ama 0612148311. Ma hadli karo intaan ka badan, waa mahadsan tihiin”
Qofkii caawin kara waxay bahda Hadalsame ku boorrinaysaa inay la xiriiraan gabadhaas sida xaq darrada ah nolosheedii loo burburiyay iyadana loo dhiibaateeyay.
