(Casiir) 13 Nof 2018 – Sida lagu sheegay ”Fatwa” kasoo baxday madax diineedka gobolka Casiir ee dalka Sucuudiga, haweenaydu gaari ma kaxayn karto maxaa wacay ”maskaxdeedu waa rubac.”
Muuqaal sidii duur dab galay u dhex xulaya baraha bulshada oo uu muran wayn ka oogey ayaa waxaa ka muuqda nin la yiraahdo Sheikh Saad Al Hajari oo warkan u jeedinaya dad u muuqdey kuwo uu ”wacdinyay.”
“Naagtu nin uma dhiganto, marka ay timaado awoodda maskaxeed, waana sida loo abuuray,” ayuu leeyahay Hajari oo ku dooday in maadaama aysan dumarku lahayd ”maskax taam ah” sida uu qabo aysan istaahilin in la siiyo shatiga gaari wadista.
“Haddii uu ninku maskax bar ah wato, miyay siin lahaayeen laysinka gaar wadista. Ma siin lahayn.” ayuu su’aashaa khidaabiga ah uga warceliyay isagoo la hadlaya Taraafikada Sucuudiga.
Aflagaaddada Hajari halkaa kuma harin ee wuxuu sheegay in marka ay dumarku dukaamaysiga u baxaan ay lumiyaan nuska ka mid ah nuskii ay awal siteen, taasoo ka dhigan inay usoo hareeyso “maskax rubac ah”.
“Dumarku ma istaahilaan inay gaari kexeeyaan maxaa yeelay, waxay leeyihiin maskax rubac ah,” ayuu ku celceliyay jeer ay dooddan maalaa yacniga ah ee Hajari ay imanayso xilli ay doodi ka oognayd Sucuudiga, taasoo la xiriirtay sida haweenka loogu fasaxay gaari wadista oo ay qabeen dad muxaafid sheeganaya oo uu ninkani ka mid yahay.
Dad gayfanayaal ah ayaa nidaamka Sucuudiga u jeediyay inay ninkan tillaabo ka qaadaan.
Hadalsame Media
