
(Muqdisho) 11 Nov 2018 – Dowladda Shiinaha (China) ayaa sheegtay inay gacan ka gaysan doonto tababaro la siinayo Kalluumeysatada Soomaaliyeed si ay u kordhiyaan wax soo saarkooda la xiriira dhanka badda.
Wasiirka Kalluumeysiga iyo Kheyraadka dalka Soomaaliya Cabdullaahi Bidhaan Warsame ayaa kulan la yeeshay safiirka Shiinaha u fadhiya Magaaladda Muqdisho ee caasimadda Soomaaliya waxaana labada nin ka wadahadleen arrimaha Kalluumeysatada Soomaaliyeed iyo duruufaha ay ku shaqeeyaan.
Safiirka Shiinaha Qin Jian ayaa sheegay in dowladdiisa ay ka go’an tahay sidii ay tababaro u siin lahayd Kalluumeysatada taasoo uu sheegay inay qeyb muhiim ah ka qaadan doonto kobcinta dhaqaalaha Soomaaliya.
Tallaabada dowladda Shiinaha ayaa la sheegay inay qeyb ka tahay iskaashi dhanka kalluumeysiga la xiriira oo ka dhaxeeya Soomaaliya iyo Shiinaha.
Hadalsame Media