Wax kasta oo aad uga baahan tahay isku aadka CL oo berri la samaynayo

(Monte Carlo) 29 Agoosto 2018 – Waxaa berritoole oo Khamiis ah la sameeynayaa isku aadka Koobka Horyaallada Yurub dufcadda 2018/19 ee heerka guruubyada, saacadda Yurub marka ay tahay 18:00, waxaana munaasabaddu ay ku qabsoomaysaa Grimaldi Forum oo ah Imaaradda Monaco.

Nidaamkee loo raacaa sida ay kooxuhu u kala leeyihiin mudnaanta?

• 26 kooxood ayaa si toos ah iskaga xaadirinaya heerka guruubyada oo qaab cusub loo sameeyay waxaana kusoo biiraya 6 kooxood oo kasoo gudbey kulamada kala baxa oo lakala ciyaaray 21/22 iyo 28/29-kii bishan Agoosto.

• Kooxaha waxaa loo kala qaybinayaa 4 dheri. Dheriga 1-aad wuxuu ka kooban yahay kooxda haysata CL, midda haysata EL, iyo 6-da kooxood ee haysta 6-da horyaal ee ugu sarreeya dhanka qiimaynta UEFA. Halka dheriyada 2 ilaa 4 lagu go’aamiyo qiimaynta UEFA ee sida ay naadiyadu u kala sarreeyaan.

• Kooxina kuma aadi karto koox ay isku dal ka socdaan, ama ay isku xiriir u diiwaan gashan yihiin sida kooxaha Faransiiska iyo AS Monaco, iyadoo hab-raaca rasmiga ah la shaaciyo in yar kahor munaasabadda qori tuurka.

• Isku aadkani wuxuu sidoo kale go’aaminayaa kooxaha da’yarta ah ee ka qayb qaadanaya UEFA Champions League iyo UEFA Youth League.
  

  Kooxaha ka qayb qaadanaya isku aadka?

  

  ESP: Real Madrid, Atlético Madrid, Barcelona, Valencia
  GER: Bayern München, Borussia Dortmund, Schalke, Hoffenheim
  ENG: Manchester City, Manchester United, Tottenham Hotspur, Liverpool
  ITA: Juventus, Napoli, Roma, Internazionale Milano
  FRA: Paris Saint-Germain, Lyon, Monaco
  RUS: Lokomotiv Moskva, CSKA Moskva
  POR: Porto
  UKR: Shakhtar Donetsk
  BEL: Club Brugge
  TUR: Galatasaray
  CZE: Viktoria Plzeň
  SUI: Young Boys
  NED: Ajax
  GRE: AEK Athens

  Kooxaha & sida ay dheriyada ugu kala jiraan

  DHERIGA 1-AAD
  Real Madrid (holders)
  Atlético Madrid (UEFA Europa League winners)
  Barcelona
  Bayern München
  Manchester City
  Juventus
  Paris Saint-Germain
  Lokomotiv Moskva

  DHERIGA 2-AAD
  Borussia Dortmund 89.000
  Porto 86.000
  Manchester United 82.000
  Shakhtar Donetsk 81.000
  Napoli 78.000
  Tottenham Hotspur 67.000
  Roma 64.000

  DHERIGA 3-AAD
  Schalke 62.000
  Lyon 59.500
  Monaco 57.000
  Ajax 53.500
  CSKA Moskva 45.000

  DHERIGA 4-AAD
  Club Brugge 29.500
  Galatasaray 29.500
  Young Boys 20.500
  Internazionale Milano 16.000
  Hoffenheim 14.285
  AEK Athens 10.000

  Koobka UEFA Champions League ayaa oodda laga qaadayaa 18-19 bisha soo aaddan ee Sebtembar, isagoo soo xirmi doona xilli todobaad qiyaastii ka dambaysa xilligii lasoo abyi jirey inta badan oo ah Sabti 1-da Juun 2019, garoonkuna waa Estadio Metropolitano, Madrid.

Waxaa Diyaariyay: Maxamed Xaaji

Hadalsame Media