(Muqdisho) 21Luulyo 2018. Waxaa shalay furmay tartanka xiisaha badan ee Star League, kaa soo ay ka qayb qaadanayaan lix kooxood.
Xiriirka kubadda cagta Soomaaliya ayaa horay u shaaciyay in kooxdii tartankaan ku guulaysataa la siin doono lacag dhan shan kun oo doolar,balse is badel ayaa yimid.
Isbadelkaan oo ah mid quseeya qarashaadka ayaa qayb ka mid ah lacagihii la ballan qaaday looga baxay kooxaha.
Kooxaha ayaa lagu war galiyay in naadigii ku guulaysataa koobkaan la siin doono lacag dhan $2,500 (laba kun iyo shan boqol oo doolar), halkii ay ka ahayd $5,000 (Shan Kun oo Dollar).
Lama ogo waxa uu salka ku hayo isbadelkaan, waxaana niyad jab ka muujiyay kooxaha ka qayb qaadanaya tartankaan.
Hadalsame Media
