(Helsinki) 16 Luulyo 2018 – Madaxwaynaha Maraykanka ee Donald Trump ayaa kulankii muddada dheer la sugayay ee uu mar dhowayd la yeeshay dhiggiisa Ruushka Vladimir Putin mid “si wanaagsan ku bilaabmay,” kaddib laba saacadood ka badan oo ay is hor fadhiyeen. Halkan ka DAAWO.
Trump ayaa warkan sheegay kaddib markii ay wada ”qadeeyeen” Putin iyo kaaliyayaashiisa, taasoo ka dambaysay kulanka khaaska ah ee dhexmaray.
‘Very good start for everybody’ – #Trump during summit with #Putin https://t.co/fhmEvL5MJR pic.twitter.com/exhr1smdZA
— RT (@RT_com) July 16, 2018
Kahor kulanka Putin, Trump wuxuu sii sheegay in Ruushka iyo Maraykanka oo Helsinki ku kulansani ay yeelan doonaan wax uu ku tibaaxay “xiriir qayrul caadi ah,” waloow ay caqabdo jiraan, isagoo ku daray “waxaan qabaa inuu adduunku doonayo inaannu is fahamno.” Taa kahor wuxuu Trump warbaahinta u sheegay inay ka wada hadleen “wax kasta min millateri ilaa gantaalo ilaa Shiinaha.”
We agree https://t.co/7l087Qwmj3
— MFA Russia ?? (@mfa_russia) July 16, 2018
Kulankan ayaa qabsoomay tiiyoo uu mucaaradad kala kulmayo dhamaanba labada xisbi ee Jamhuuriga iyo Dimoqraadiga, jeer ninka baaraya saamaynta ay Ruushku sida lagu eedeeyay ku yeesheen doorashadii Maraykanka, Robert Mueller, uu dacwo kusoo oogey 12 qof oo Ruush ah oo ku eedaysan inay ”jabsadeen” xogo xasaasi ah, waloow la sheegay inay taasi dhacday xilligii Obama.
Hadalsame Media
